Djóravistin passar hundur og kettur fyri fólk, tá tey eru t.d. burturstødd. Fyri at fyribyrgja sjúku í samband við vistarhaldið er neyðugt, at hundar eru koppsettir, (vaccineraðir) áðrenn teir koma á Djóravistina. Tosið við djóralæknan um hettar. Hundurin skal verða koppsettur í minsta lagi 3 vikur undan og í mesta lagi 3 ár undan. Hundurin ella kettan eiga eisini at vera viðgjørd fyri orm og at vera merkt, antin við spjaldri ella við microchipsi. Smittandi sjúkur hjá kettum er ikki - sum er - nakar trupulleiki í Føroyum. Tí verður ikki, undir vanligum umstøðum rátt til at koppseta kettur.