Downloada hesa síðuna í pdf-formati.

Klipping  um heystið	Koppseting av sleppingarlombum og brundlombum:  Koppingarevni fyri bráðsótt og blóðsótt eru at fáa í handkeypssølu á apotekunum. Holla leiðbeining hesum viðvíkjandi eiga tit at fáa haðani.
	Viðgerð fyri iglar og fyri orm í vinstur, vilum og lungum. Allur seyðurin verður viðgjørdur við evni at geva inn fyri orm og iglar. Á lágum haga verður mælt til at viðgera upp aftur  í  januar vátar og lýggjar vetrar.
	Viðgerð fyri lús, førilús og skrubb.  1. Viðgerð við seyðavaski. Allur seyður, eisini brundseyður, verður vaskaður í brunni ella við at stoyta bland av seyðavaski á seyðin.  ella 2. Viðgerð fyri smáar lýs og førilús við evni at spræna eftir rygginum, sokallað "Pour-on" viðgerð. Hetta drepur ikki skrubb. Tí kann verða neyðugt at viðgera inniseyð við evni, sum drepur skrubb.
Um jólini	Allir hundar eiga at vera viðgjørdir fyri bendilorm fyri at minka um vatnbløðrufongdina í seyðinum.
2-3  vikur undan  lembing í apríl	Koppseting av óm fyri blóðsótt og bráðsótt:  Koppingarevni eru at fáa í handkeypssølu á apotekunum. Holla leiðbeining hesum viðvíkjandi eiga tygum at fáa haðani.
	Viðgerð fyri orm í vinstur, vilum og lungum.
Áseyðaroyting  í juli	Koppseting av seyði fyri blóðsótt og bráðsótt:  Koppingarevni eru at fáa í handkeypssølu á apotekunum. Holla leiðbeining hesum viðvíkjandi eiga tygum at fáa haðani.
	Viðgerð fyri orm í vinstur, vilum og lungum.            1)    Hagaseyður:  Allur seyðurin verður viðgjørdur við evni at geva inn.            2)    Heimaseyður:  Heimaseyður gongur ofta á trengri lendi, sum tí verður meira tøðdálkað. Neyðugt kann tí vera at viðgera oftari fyri orm á sumri. Hóskandi er at viðgera um Jóansøku og eftir Ólavsøku. Eisini kann seyðurin viðgerast í samband við flyting frá einum øki til annað. Seyðurin verður viðgjørdur við sama evni sum undir 1).