Malan er 33 ár. Sang fyrst í 80’unum við bólkinum teinar. Ferðaðist kring landið við progressiva fusjónsbólkinum brongl saman við Rúnu á Heygum og Joannu Johansen. Sang eitt skiftið við bólkinum Plúmm. Fór á tónleikaháskúla í 1984 í Noregi. Sang við á barnaútgávuni ”Her eru vit” hjá Jóhannus á Rógvu, sang trý løg á fløguni ”Náttarlív”, sum bólkurin Devon gav út. Hevur sungið við á øllum trimum útgávunum hjá Jóannes Jakobsen. Hevur sungið á útvarpsfløgum og fleiri barnaløg, sum hava verið nógv spæld í útvarpi og sjónvarpi umframt kór á ymiskum útgávum.