KÍ - Kvinnur - Online

10 ferð á rað

 

 

 

 

 

Heim

Tíðindi

Leikarnir

Støðan

Uefa Cup

Landsliðið

Myndir

Slóðir

 

 

 

 

 
 

 

 



 




 
 
 
 
 
 

16.06.2008

Her bjargar Randi meistarliga fyri Val

Tað gongst væl hjá Randi í Íslandi. Hon er fyrsti málmaður, og hevur staði allar dystirnar síðani hon kom yvir.
Valur er besta liðið í Íslandi, og liggur eisini á odda í kappingini. Tær vunnu herfyri 2-1 á KR, sum er argasti kappingarneytin, og her fekk Randi ein avgerandi leiklut, tá hon bjargaði í síðstu minuttunum, so Valur vann dystin.
Í gjár leiktu tær so ímóti Breiðablik, og vunnu aftur 2-1 og eisini í hesum dystinum hevði Randi onkra góða bjarging.
Nú er ein lítil steðgur í kappingini í Íslandi, tí Íslendska kvinnulandsliðið skal leika landsdyst leygardagin.

28.04.2008

Hóast Randi bert hevur verið í Íslandi, so hevur hon longu vunnið sítt fyrsta steyp. Hon stóð í mál hjá Vali í allar 90 minuttirnar, tá Valur leikti Stórsteypadyst ímóti KR. Valur vann dystin 2-1.

24.04.2008

Randi S. Wardum hevur gjørt sáttmála við íslendska meistaraliðið Valur. Sáttmálin er galdandi fyri hetta kappingarárið.
Valur hevur havt eitt ynski um at fáa Randi í teirra hóp síðan í summar, tá Valur var í Føroyum og leikti UEFA-Cup ímóti KÍ. Randi var í Íslandi og royndarvandi í oktober mánað, og eftir tað vildi tey í Vali gera sáttmála við Randi, men hon takkaði nei takk.
Valur hevur nú aftur vent sær til Randi fyri, at fáa hana at koma yvir til Íslands, tí tey manglaðu ein málverja, av tí at teirra málverji var so óheppin at slíta hálsinuna.
Randi leikti seinasta dyst fyri KÍ, á hesum sinni, í Gøtu ímóti Víkingi, og í morgin fríggjadagin stendur hon væntandi í dysti fyri Val.
KÍ-kvinnurnar vilja takka Randi fyri tíðina í KÍ og ynskja henni alt tað besta í Vali.

18.04.2008
Eftir ætlan skuldi KÍ-kvinnurnar leika fjórðingsfinalu ímóti VB/Sumba dýra biðidag, men VB/Sumba hevur boða frá, at tær koma ikki norður tí tær ikki fáa mannað lið. KÍ fer tískil víðari í hálvfinaluna uttan at leika.
Tað kann tykjast eitt sindur løgið, at VB/Sumba hevur leikt tveir dystir á heimavølli í ár, men hava útsett báðar dystirnar, sum tær áttu at havt leikt á útivølli.
KÍ-kvinnurnar eru sera harmar um hetta, tí tær brúka nógv tí uppá fótbóltin, og glaða seg til hvønn dyst. Hetta gevur eisini bert negativa umtalu fyri kvinnufótbóltin, og tað harmar KÍ-kvinnurnar sera nógv. Vónandi ger FSF okkurt við henda trupuleikan, tí tá ein leikar í bestu deildini, so eiga allir dystir at verða leiktir til ásettu tíðina.

23.03.2008
Eftir ætlan skuldi landskappingin hjá kvinnum fara í gongd 2. páskadag, og skuldi VB/Sumba koma á vitjan hjá KÍ-kvinnum. Men nú vøllurin er til dekkaður við kava, er gjørt av at dysturin ímóti VB/Sumba verður útsettur til ein annan dag.
Tískil verður fyrsti dystur hjá KÍ-kvinnum ímóti B36 komandi sunnudag.

13.03.2008
Landskappingin er nú løgd, og hava KÍ-kvinnurnar heimadyst í tveimum teimum fyrstu dystunum. Fyrst er VB/Sumba á skránni, og síðani er tað B36, sum kemur á vitjan. Landskappingin byrjar 2. páskadag og endar 20. september.
Øll leikskráin kann síggjast her

10.03.2008
KÍ-kvinnurnar leiktu sín fyrsta venjingardyst í kvøld. Veðrið var av tí allar besta, so tað lá væl fyri at fáa ein góðan dyst. Fyrsta mótstøðuliðið hjá KÍ-kvinnunum í ár var nýggja felagið Víkingur, og tað skal vera sagt beinanvegin at teir áskoðarnir sum høvdu leita sær oman á vøllin fingu nógv mál at síggja, tí dysturin endaði 8-2 til KÍ eftir hálvleiksstøðuna 5-0.
Bæði liðini hava mist nakað av fólki, og hevur hetta serliga merkt Víking nógv. Liðið er ungt, og skulu fleiri leikarar spælast inná liðið.
KÍ-kvinnurnar hava eisini mist eitt sindur av fólk í mun til í fjør. Leikarar sum Vivian, Paula Sjóstein, Jensa Sirdal og Mariann Joensen eru ikki við í ár, og sjálvandi kemur hetta at merkjast á liðnum, men KÍ hevur eina góða ungdómsdeild á gentu síðuni, so tað eru fleiri ungar sum eru komnar upp. KÍ-kvinnurnar hava eisini fingið tveir leikarar av Eiði. 21 ára gamla Marjun Joensen úr Leirvík og 27 ára gamla Svanna Nielsen av Eiði, hava í ár valt at leika við KÍ, og kemur hetta bara væl við.
Sum sagt so vann KÍ dystin 8-2 og serliga vóru tað tær ungu sum gjørdu vart við seg í dag. Marjun gjørdi fyrsta málið í dystinum, og var hetta samstundis henara fyrsta mál fyri KÍ. Elsa Maria gjørdi tað næsta, eftir at Ása K. Thomsen fór ígjøgnum í høgru síðu, og legði út frá til Elsu Mariu. Sigrid, sum kempaði væl frammi, gjørdi tað til 3-0. Málið til 4-0 gjørdi Ása og Sigrid gjørdi tað til 5-0
Tað skal nevnast at í verjuni spældi Vár Jenny Lydersen sín fyrsta dyst fyri KÍ, og kláraði hon tað sera væl, og í hálvleikinum bleiv hon so skift út við Sølvá Andreasen, sum eisini spældi sín fyrsta dyst, og kláraði hon eisini seg væl, og vit koma uttan iva at síggja nógv meira til tær báðar í ár. Eisini kom Sofía Purkhús í á høgru síðu í hálvleikinum, og er hon eisini ein framtíðar spælari, hon er sterk og lang, so hon kemur uttan iva, at mannað miðvøllin hjá KÍ-kvinnunum í framtíðini.
Seinni hálvleikur var ikki eins væl spældur sum tann fyrri, men tað var framvegis KÍ, sum stýrdi spælinum, og høvdu nógvar kjansir. Tær fingu eisini trý mál afturat, sum Ragna, Ása og Marjun gjørdi. Víkingur fekk tó pynta um úrslitið við tveimum málum, og var annað eftir eitt fríspark, har Hanna var fyrst á bóltinum og skallaði hann í málið og hitt var ein miskiljing í verjuni, og ein Víkingur kundi sparka í tómt mál.

KÍ - Víkingur 8 - 2 (5 - 0)
1 - 0 Marjun Joensen
2 - 0 Elsa Maria Simonsen
3 - 0 Sigrid Jacobsen
4 - 0 Ása K. Thomsen
5 - 0 Sigrid Jacobsen
6 - 0 Ragna Patawary
6 - 1 Hanna Isaksen
7 - 1 Ása K. Thomsen
8 - 1 Marjun Joensen
8 - 2 ??? Víkingur

Liðið í dag: Olga F. Olsen (Randi S. Wardum, 46.) - Ann Olsen, Ragna Patawary, Vár Jenny Lydersen (Sølvá Andreasen, 46.), Paula Mikkelsen - Ása K. Thomsen, Malena Josephsen (Tove Sólheyg, 46.), Rannvá Andreasen (Sofía Purkhús, 46.), Marjun Joensen - Elsa Maria Simonsen, Sigrid Jacobsen.

Olga Kristina Hansen, Doris í Garði og Svanna Nielsen manglaðu í dag

03.03.2008

Lutakast hevur verið um hvussu leikast skal í steypakappingini hjá kvinnum. Lutakastið var hildi beinleiðis í sjónvarpsendingini 3-2. Fyrst var kasta lut um, hvussu leikast skuldi í innleiðandi umfarðinum. Og aftaná tað, var fjórðingsfinalan á skránni. KÍ-kvinnurnar fingu heimavøll og skulu tær møta vinnarnum av VB/Sumba og EB/Streymi, hesi bæði liðini spæla í 2. deild.
Fjórðingsfinalan verður leikt 18. apríl.


27.01.2008

KÍ-kvinnurnar hava í fleiri ár havt sína egnu heimasíðu, men nú hava tær eisini fingið sær eina myspace síðu.
Síðan kann síggjast við at trýst á hesa leinkjuna www.myspace.com/kikvinnur.
So tey sum hava ein myspace profil, og ynskja at verða vinur við KÍ-kvinnurnar, kunnu bert biðja um vinskap.

27.01.2008

Randi kemur aftur ár at koyra í bili frá Klaksvíkar Autolakering (savnsmynd)

Klaksvíkar Autolakering kemur aftur ár at stuðla KÍ-kvinnunum við at geva teimum ein bil til leikarnar sum koma aðrastaðni frá.

27.01.2008

Randi, her beint eftir ein dyst fyri landsliðið, heldur fram í KÍ

Tað hevur ljóða í eina tíð, at íslendsku meistarnir Valur, høvdu áhuga í Randi. Tað var í Uefa-cup kappingini í summar, at Valur fekk eyga á Randi, og bjóðaðu henni yvir til Íslands at royndarvenja. Hendan venjingin gekk so gott, at Valur vóru áhuga í at fáa Randi í teirra hóp.
Men eftir at tað var forhandla aftur og fram, og eftir drúgva umhugsingartíð, tók Randi avgerð um, at hon ikki tók av tilboðinum frá Valur, tí hetta var snøgt sagt ikki nógv gott. Og sum Randi sjálv sigur, so vildi hon ikki fara til Ísland fyri ein og hvønn prís.
Sostatt koma KÍ-kvinnurnar aftur í 2008 at hava gleði av, at hava Randi í millum stengurnar.


Olga Kristina og Doris halda fram í KÍ í 2008 (savnsmyndir)

KÍ-kvinnurnar koma eisini at hava gleðið av, at Olga Kristina Hansen, og Doris í Garði hava avgjørt at halda fram í KÍ í 2008.

Tað verður meira at frætta um hópin seinni.

Tíðindi 2007

 

 

 

KÍ - Heimasíðan


.

 

Høvðusstuðul

 

KÍ-kvinnur Online

 

ZIP Stat
Flere...

 

 

 

 

 

Copyright Malena Josephsen 2005. All Rights Reserved.