Heim

Tíðindi

Leikarnir

Støðan

Uefa Cup

Landsliðið

Myndir

Slóðir

 

 

Dystar tal og mál

Makedonia 2009
Montpellier - KÍ
KÍ - FC NSA Sofia
Tikvesanka - KÍ

Litava 2008
FC Femina - KÍ
Zvezda-2005 - KÍ
Gintra Uni. - KÍ

Føroyar 2007
Den Haag - KÍ
Valur - KÍ
KÍ - FC Honka

Skotland 2006
Juvisy - KÍ
KÍ - Hibernian
Espanyol - KÍ
Úrslitini 2006/2007

Makedonia 2005
Luwin.Ch - KÍ
KÍ - Codru
Shiponjat - KÍ
Úrslitini 2005/2006

Poland 2004
Metalist Kharkov - KÍ
KÍ - ASZ Wroclaw
Cardif LFC - KÍ
Úrslitini 2004/2005

Holland 2003
Fulham FC - KÍ
Ter Leede - KÍ
FC Codru - KÍ
Úrslitini 2003/2004

Svøríki 2002
Umeå - KÍ
Sparta Prag - KÍ
KÍ - Tallin
Úrslitini 2002/2003

Finnland 2001
KÍ - USC Landhaus
HJK - KÍ
KÍ - Torres
Úrslitini 2001/2002

19.12.05
Tað bleiv eitt reint hattrick til Birgit Prinz úr Týsklandi, tá hon vann heiðurin 2005 FIFA World Player of the Year. Hon vann eisini hendan heiður í 2003 og 2004. Birgit Prinz er liðskipari á týska landsliðnum og spælir til dagligt við FFC Frankfurt. Týska landsliðið er besta landsliðið í løtuni, og hevur hon stóra æru av, at tær eru har tær eru. Hon er ein stórur og sterkur áleypari, sum meira enn ofta finnur vegin til meskarnar.
Nummar tvey bleiv Martha úr Brazil, hon spælir til dagligt við stórfelagnum Umeå úr Svøríki. Fleiri høvdu vænta, at hon fór at vinna heiðurin í ár, tí hennara evnir við einum bólti kunnu næstan samanberast við evnini hjá Ronaldiho. Hon bleiv eisini nr. tvey í fjør.
Nummar trý bleiv Shannon Boxx úr Usa, hon er ein miðvallari, sum skýtur nógv mál. Hetta er fyrstu ferð hon er nominera til heimsins besta spælara.
Tað eru venjarar og liðskiparar frá øllum limalondunum í FIFA sum velja besta spælarin. Fyri Føroyar vóru tað Álvur Hansen og Bára Skaale Klakstein sum valdu.
Hjá monnunum bleiv Ronaldinho valdur til besta leikara frammanfyri Frank Lampart og Samuel Eto.

01.12.05
Nú er tað greitt, at tað verður Birgit Prinz, úr Týsklandi, Martha úr Brazil ella Shannon Boxx úr Usa, sum verða vald til heimsins besti leikari 2005. Hetta hevur Fifa almanna kunngjørt, eftir at venjarar og liðskiparar úr øllum limalondunm hava valt hvør skal verða besti leikari 2005.
Birtit Prinz spælir til dagligt við Frankfurt, og var hon vald til besta leikara í 2004, og nú hevur hon so aftur kjansin til at endurvinna heiðurin.
Martha úr Brazil spælir til dagligt við svensku meistarnum Umeå, sum KÍ-kvinnurnar leiktu í móti 2002. Hon endaði á einum øðrum plássi í fjør.
Shannon Boxx úr Usa er úr USA og hetta er fyrstu ferð hon er nominera til heiðurin.
Vinnarin verður almanna kunngjørdur á einari gallaveistlu hjá FIFA tann 19. desember.

27.11.05
Nú er tað klárt til at leika finaluna í UEFA-Cup fyri kvinnur. KÍ luttók fyrr í summar í hesu kapping, men tíverri eydnaðist tað ikki teimum at leika seg víðari í kappingini.
Nú eru so hálvfinalurnar leiktar, og var tann eina í millum Montpiller úr Frankaríki og Frankfurt úr Týsklandi, hon endaði samanlagt 3-3 men Frankfurt kom víðari uppá útivallarmál. Hin var ímillum Potsdam úr Týsklandi og Djurgården úr Svøríki, hon endaði samanlagt 5 - 7 til Potsdam.
Finalan í UEFA-Cup kappingini hjá kvinnum verður í tveimum umførum, ein á heimavølli og ein á útivølli, og í ár verður so hon so rein týsk. Hetta er fyrstu ferð at einki norðlendskt lið er í millum finalistarnar. Finalurnar verða leiktar 20. mai og 28. mai komandi ár.

01.09.05
Nú er nakað síðani KÍ-kvinnurnar komu aftur úr Makedonia, men tit skulu ikki verða snýtt fyri ein samandrátt av túrinum.
Tað var eitt sindur av trupuleikum við at fáa ferðaseðlar til Makedonia, og tískil var neyðugt at reisa í fleiri bólkum og fleiri flogfeløgum. Tey fyrstu vóru uppá pláss í Makedonia kl. 19 mánadag, og tey seinnu vóru ikki fyrr enn kl. 3 týsnáttina. Tískil var roynt at hvíla sum frægast áðrenn dystin týsdagin.

Liðið, sum byrjaði í móti Luwin úr Sveits.

Fyrsti dysturin var í móti Luwin úr Sveits, hetta var mett til sterkasta liðið í bólkinum, og tískil tann harðasti dysturin. Hitin var sera nógvur, tað lá um tey 40 hitastigini, og tað darvaði KÍ-kvinnunum sera nógv, men tær fingu eina flúgvandi byrjan uppá dystin, tí tær komu nevnliga á odda 1-0 við máli, sum Vivian Bjartalíð gjørdi, men KÍ var undir press allan dystin, og Luwin hevði sera nógvar kjansir, men tær høvdu ikki innstilla kanónina rætt. Í seinna hálvleiki var støðan heilt ein onnur, nú byrjaðu sveitsisku genturnar at raka málið, og nú var bara spurningur um hvussu nógv tað fór at verða. Dysturin endaði 5-1 til Luwin, og tað sást eisini týðuligt at KÍ-kvinnurnar vóru darvaðar av varmanum, og eisini harða ferðin gjørdi sítt til at munurin bleiv so stórur tá avtárnaði.

Afv. Alexander, hj. venjari, Vivian, Petra, Annelisa, Ann, Paula S., Una, Rannvá, Birgit, Anna, Jón Harald, venjari.
Ffv. Ragna, Paula M., Mariann, Elsa Maria, Randi, Jóhanna, Jensa, Maria, Bára, Malena, liðskipari.

Mikudagurin var brúktur til hvíld, og roynt var at fáa dystin í móti Luwin úr beinunum. Eisini var farið ein lítlan shoppng túr til Ohrid, og tað sást beinanvegin at tað var sera býligt at keypa, men tað var ringt at finna nakað sum orginalt, tað mesta var eftirlíkningar. Hitin var sum verða man sera nógvur, og ein skuldi allatiðina ansa eftir at ein ikki brendi seg, og sólkrem var dúliga brúkt.

Liðið, sum byrjaði dystin í móti FC Codru.

Næsti dysturin var í móti FC Codru úr Moldova. Hesum liðinum høvdu KÍ kvinnurnar fyrr møtt, og ta ferðina taptu tær 5-3 eftir at verið á odda 3-1 í hálvleikinum, og nú ætlaðu KÍ-kvinnurnar at hevna hetta tapið, men tær vistu at hetta fór at vera trupult. Hevði hitin verið nógvur hinar dagarnar, so var hann nógv meira hendan dagin, og mundi hitin liggja um tær 50 gradirnar inni á vøllinum, og einki lot var, so tað var øgiligt.
KÍ-kvinnurnar sóu beinanvegin at tað vóru ikki nógvar tær somu á liðnum hjá Codru, men lyklaleikarnir frá seinast vóru framvegis við. Hetta liðið var eisini betur enn seinast, men tær spældu sera nógv uppá langar bóltar. og tað gekk rímuliga væl hjá KÍ, at rudda burtur, men tá umleið hálvur tími var leiktur eydnaðist tað teimum at skorað tvey mál, og nú gjørdist mótbrekkan tung hjá KÍ.
Men tó svaraði KÍ aftur tá Malena við høvdinum fekk minka um munin til 2-1, men gleðin var stokkut, tí Codru fekk eitt mál afturat beint fyri hálvleik, so støðan gjørdist 3-1 í hálvleikinum.
Tað var roynt av øllum alvi at koma innaftur í dystin, men í nógva hitanum var tað sera torført, og hóast fólkið bleiv flutt longur fram at leika, og høvdu meira spæl, so eydnaðist tað ikki at skorað nakað mál. Men harafturímóti fekk FC Codru eitt mál afturat, so støðan gjørdist 4-1. Leggjast skal afturat, at KÍ leikti teir seinastu 10 min. við einum leikara færri, tí Rannvá fekk 2 gul kort. Tað er nokk í lagi at FC Codru vann dystin, men 4-1 var ov nógv.

Ikki eitt skýggj var á síggja á luftini, tá KÍ leikti í Makedonia.

Fríggjadagurin var aftur frídagur, og tá var fyrst farið ein shoppingtúr í grannalagnum, og síðani var farið á strondina, sum lá beint við hotellið, men tað var ansa sera væl eftir, so eingin bleiv brendur, og sólkremið bleiv aftur dúliga brúkt, men hendan dagin var eitt sindur yvirskíggja, tíbetur. Annars bleiv hvílt, og hugsa um dystin dagin eftir.

Seinasti dysturin var í móti vertunum Shkiponjat. Hetta var dysturin har vónirnar vóru góðar áðrenn dystin, men tað fór at verða torført, tí hetta var ein av teimum heitastu døgunum, har hitin lá um teir 50 gradirnar.
Tað gekk eisini væl tann fyrra hálvleikin, KÍ hevði alt spæli, og komu tær fram til nógvar kjansir, men tað seinasta manglaði. Men tá ca. 30 tími var leiktur eydnaðist tað enduliga at fáa bóltin í netið. Malena fór framvið fleiri leikarnum, og tá hon var komin til baklinjuna spældi hon út frá til eina fría Mariu, sum bert skuldi seta fótin á bóltin. Hálvleiksstøðan gjørdist sostatt 1-0.
Seinni hálvleikur var ikki eins góður fyri KÍ-leikarnar, og tær komu undir veruligt press frá byrjan, men tær kláraðu at halda høvdi kalt, og fáa bóltin burtur. Í 65. min. endaði tó galið, Shkiponjat skeyt hornaspark, og inni undir málinum var ein KÍ leikari so óheppin at fáa knæði á bóltin, so bólturin endaði í málinum.
Løtu seinni dømdi dómarin brotsspark til Shkiponjat, men Makedonski leikarin skeyt uppum, men dómari vildi at sparki skuldi skjótast um aftur, tí hon vildi vera við at Randi leyp ov tíðliga. Seinna sparki fór eisini uppum, og nú dømdi dómarin fríspark á brotsteigar linjuni, tí ein makedonskur leikari var farin og tíðliga inn í brotsteigin.
Nú fóru KÍ kvinnurnar orduliga at trúgva uppá at tær kundu fáa ein sigur, og tær komu meira inní dystin, men tað nærmasta tær komu til, var tá Malena spekkaði at fríspark á tvørtræið. Dysturin endaði 1-1, og tað var í lagi tá alt kemur til alt.
Hesuferð eydnaðist tað so ikki at vinna nakran dysti, men ein javnleikur kom kortini í hús, og tað var nokk til at enda á triðja pláss í bólkinum, men hevði varmin verið minni, og hevði úrslitið uttan iva verið betur.

Nú er tað greitt hvussu lutakastið verður fyri kappingina 2005/2006. Øll liðini er styrkismett, og eru har útfrá býtt upp. Sjey tey bestu liðini (UEFA cup vinnari Turbine Potsdam (Týskland), 1. FFC Frankfurt (Týskland), 2005 runners-up Djurgården/Älvsjö (Svøríki), Arsenal LFC (England), Brøndby IF (Danmark), ZFK Mašinac-Classic Niš (Serbia Montenegro) Athletic Club (Spania). fara beinleiðis í 2. umfarð, í meðan restin verður býtt uppí nýggju bólkar. Áðrenn luttakasti eru liðini býtt í tríggjar sektiónir, sum síggja soleiðis út:

Hvør sektión verður býtt uppí 3 bólkar og liðini í feitari skrift eru tey, sum skulu hýsa bólkaspølunum. Vinnarin í hvørjum bólki kemur víðari í aðru rundu.
Lutakastið verður 7. juli.

23.05.05
Women's Uefa cup kappingin fyri 2004/2005 er nú liðug, og vinnarin gjørdist Turbine Potsdam úr Týsklandi. Kvinnurnar hjá KÍ luttóku í fyrsta umfarðinum, komu ikki víðari í annað umfarð.
Tað verða tvær finalur leiktar, ein á heimavølli og ein á útivølli, og vann Turbine Potsdam tilsaman 5-1 á Djurgården úr Svøríki.

18.04.05
Nú er komi so væl áleiðis við UEFA Cup kappingini 2004/05, har sum KÍ-kvinnurnar luttóku í Polandi, at finalistarnir eru funnir. Potsdam úr Týsklandi vann heili 7-1 tilsamans í teimum báðum hálvfinalunum í móti Tróndheim Ørn, og Djurgården / Alvsjö úr Svøríki vann 2-1 tilsamans í móti Arsenal. Sostatt verður tað Postdam og Djurgården/Alvsjö sum skulu leika finluna. Tað verður ein dystur heima og ein úti, og verða teir leiktir 11. og 22. mai.